Qiimaha lagu kala iibsado kalluunka oo aad sare ugu kacay .....

Waxaa sare u kac ku yimid qiimaha lagu kala iibsado/gato kalluunka/malaayga ee magaalo xeebeedyada Konfurta Soomaaliya ka dib markii ay dabeelo xoog badani ka kaceeb xeebaha.

Dabeelahaas ayaa sababay bada oo aad u kacday taasoo kaliftay in ay ku dhiiran waayaan kaluumeeysatada yar yar ee aan heysan doomo xoog leh oo iska celin kara xooga dabeelaha.

Waxaa aad u yaraaday kaluunka la soo gaarsiiyo suuqyada waaweyn ee lagu kala iibsado kaluunka, iyadoo ay aad u soo badaneeyso isticmaalka kalluunka ee magaalooyinka waaweyn.

Si kastaba ha ahaatee waxaa la rajeynayaa in ay sii socoto dabeeshan ilaa bil ama bil iyo bar haduu eebe idmo inshaa allaah.

W/Q Maxamed Aadan Isxaaq

Cunista Malaayga/Kaluunka oo aad ugu soo badaneysa Magaalooyinka.....

Waxaa aad ugu soo badanaaya magaalooyinka waaweyn cunista kaluunka, taasoo lagu macneeyay sababo kala duwan.

Dadka qaar ayaa aaminsan in la soo fahmaayo faa'idooyinka uu caafimaadka u leeyahay kaluunka iyo sida ay lagama maarmaan u tahay in ugu yaraan isbuucii la cuno hal jeer.

Kuwo kale ayaa aamin san in abaarihii dhacay ay sababtay xoolo yari keentay in uu kor u koco hilibka, sidaas darteedna ay dadka u jeesteen cunista kaluunka.

Si kastaba ha ahaatee waa horumar fiican oo ku soo kordhay nolol maalmeedka bulshada Soomaaliyeed, maxaa yeelay Soomaalidu waxeey tiraahdaa "war helaa talo hela" waxaa ay il uga bixi doontaa dad badan oo sii joogteyn doona cunista kaluunka.

W/Q Maxamed Aadan Isxaaq

Waxaa dib dalkoodii loogu celiyay...

Waxaa si nabad ah dalkoodii uGu laabtay bad-maaxiin u dhashay dalka Pakistan, ku waasoo lagu hayay Magaalada Kismaayo.

Bad-maaxiintaan ayaa ku eedeeysnaa in ay si sharci daro ah uga kaluumeeysanayeen Badaha Soomaaliya.

Wali si cad looma oga waxa ay uu ku dhamaatay eedeeyntii loo heestay, taas oo ay dad badani ka warsugayeen waxa ay ku dambeeyn doonto.

Waxaa sii deeyntooda gacan ka geystay wadankii ay u dhasheen ee Pakistan iyo Hay'ada Laan-qeyrta Cas, dadaaladaaso guuleeystay uGu dambeyntii.

W/Q Maxamed Aadan Isxaaq

Dekeda Boosaaso oo muddo todobaad ku dhow haawaneysa & Maraakiibtii oo ka qaxay (Daawo Sawirro)

Dekeda magaalada Boosaaso ee gobolka bari oo ah isha dhaqaalaha ugu weyn ee uu ku tiirsan yahay Maamulka Puntland ayaa waxaa hakad galay  dhaqdhaqaaqii ganacsi ee ka socday muddo ku dhow dhow todobaad.

Dekeda oo dhawaan lagu wareejiyey shirkadda P&O Ports oo hoos tagta shirkada DP World ayaa waxaa sidoo kale ka qaxay Maraakiibtii iyo doonyihii ku xirnaa.

Arintan ayaa timid ka dib ka dib muran ka dhashay khidmado lacageed oo lagu soo rogay Doonyihii ku soo xiran jiray dekeda Boosaaso, iyadoo qaar ka mid ah ganacsatada Dekada Boosaaso ay sheegeen inaysan awood u lahayn lacagahan oo ay soo rogtay shirkada gacanta ku haysa maamulka dekada Boosaaso.

Lacagaha lagu soo rogay doonyaha ku soo xirta Boosaaso ayaa waxaa la sheegay iney afar jeer ka badan yihiin kuwii horey looga qaadi jiray.

Waxaa dekadda banaankeeda lagu arkayaa oo taagan muddo todobaad ku dhaw dhamaan doonyihii iyo maraakiibtii ku xirnaa dekeda, waxay gudaha dekedu noqotey mid faaruq ah.
Xirnaashaha Dekada ayaa waxaa laga dareemay magaalada Boosaaso, waxayna saameyn ku yeelatay dad badan oo garab xamaalato ahaa oo nolashoodu ku xirneyd Dekada Boosaaso.

Wasiirka Maaliyadda Puntland Cabdullaahi Sciid Carshe ayaa maanta sheegay iyagoo u turaya shacabka iyo ganacsatadaba lagu heshiiyey in dekaddu u shaqeyso sidii ay u shaqeyn jirtey ka hor inta aan lagu wareejin shirkadda laga leeyahay dalka Imaaraadka carabta ee P&O, wasiirku ma sheegin isbeddelka ku yimid nidaamka dekadda ee dhibaatada keenay, isagoo beeniyey iney jiraan lacago dheeri ah oo lagu soo rogay maraakiibta iyo doonyaha ku soo xiran jiray.

Xigasho Shabakada Allbanaadir.net

Gabdhaha wey kaluumeeysan karaan....

Marka la joogo Soomaaliya kaluumeeysiga ma aha wax ahmidyad sidaas ah ku dhex leh nolosha dadka Soomaaliyeed, kuwaasoo intoodabadan ay fikrad qaldan ka aaminsan yihiin kaluumeeysiga xirfad ahaan iyo dhaqan ahaanba.


Sidaas oo ay tahay aniga iyo qoyskeyga waxaan jecel nahay in aan waqti wanaagsan ku qaadano xeebta dabayaaqada isbuuc kasta halkaasoo aan ku raaxeeysano kalluumeeysiga xirfad ahaan iyo sports ahaanba.


Hadaan nafteyda ka bilaabo, waxaan ka soo jeedaa qoys aan sal iyo raad toona ku laheyn taariikhda kalluumeeysiga dalkeyga, kana mid ah dadka u arka wax laga xishooda in aad naftaada ku tilmaanto kalluumeeyste.


Iyadoo ay sidaasi jirto hadana waxaan ku dhashay jaceyl aan xad laheyn oo aan u qabo badda iyo xirfadaas. Waxaa nacasnimo illa aheyd markaan yaraa in anigoo ku nool meel badda aad uGu dhaw hadana aan ka qatanaado qeyraadka balaaran ee uu eebe ku maneystay.


Jaceylkii aan u qabay badda iyo kallumeeysiga waa uu sii kordhay waxa uuna la koray da'deyda waayo hada oo aan ahey aabe caruur leh waxaan wali wadaa kalluumeeysigii waliba waxaan u gudbiyay caruurteyda oo qaar badan oo ka mid ah ay da' aad u yar ku qabteen kalluun tiro badan Maashaa allaah.


Waxaan ku faraxsanahay in aanan dareen qaas ah siineeyn fikrada qaldan ay dadkeyga intiisa badani ka aamin san yihiin kalluumeeysiga, maadaama aysan aheyn wax ay diinteena muqadaska ah diiday oo xaaraan ah.


Waxaan ka xumahay in dad badan ay maanta ka qatan yihiin nimcadaas eebe nagu maneystay oo sida lacag la'aanta ah agteena looga helo iyagoo maqaayadaha iyo suuqyada lagu iibiyo u ogol in ay lacag badan ku bixiyaan.


Waa waxa aan fahmi waayay intaan noolaa caqliga iyo xigmada ku jirta in aad shey soo saaridiisa iyo la soo bixidiisa ceebeeyso hadana aad cunidiisa iyo qarashgereyntiisa caadi u aragto.


Waxaan jeclaan lahaa in aad ila wadaagtaan dabaal daga gabadheyda Saabiriin oo markii uGu horeysay qabatay Malaaygaas/Kalluunkaas yar oo ay gacanta ku heyso. Hambalyo Hambalyo Saabiriin halkaada ka sii wad in aad noloshaada ku raaxeysato waxa aad jeceshahay ee wanaag ah diinteena ogoshahayna sameyso adigoo aragti cid kale fiirineyn maxaa yeelay ma tihid qof kale, dareenkooda iyo waxa ay jecel yihiina kama shaqeysid.


W/Q Maxamed Aadan Isxaaq

Goobaha dalxiiska ku wanaagsan ee dalkeena..

Waxaa wax alle looga mahad celiya ah deegaanka balaaran iyo kheyraadka naga badan ee dhex ceegaaga ee aan ku noolahay, kuwaasoo nagu filan nagana badan, Alloow Mahadaa.

Maanta waxaan jecleystay in aan qormadaan uga hadlo goob ka mid ah goobaha dalxiiska ku wanaagsan ee dalkeena Soomaaliya (Somalia).


Goobtaas waa Tuulo xeebeedka Jaziira (Jazeera Beach) oo ku taal masaafo u jirta shan iyo tabon kiiloo mitir 15-km Magaalada Muqdisho.

Taasoo sahleysa in aad si fudud ku gaarto markastoo aad damacdo.

1. Dabaal
2. Kaluumeeysi
3. Lugo baxsi
4. Hawo qaadasho
5. In aad soo ciyaarto dhamaan noocyada isportiga uu ka kooban yahay oo dhan

Jazeera oo ku taal meel aad iyo aad u hawo macaan kuna haboon in waqti tayo leh lagu qaato waxaa kaloo ay aad uGu wacan tahay qoysaska leh caruurta yar yar degana xaafada ah ciriiriga ah ee magaalada ku waasoo aysan caruurtoodu waqti ku filan u helin in ay ciyaaraan maalmaha fasaxa ay ka yihiin wax barashada.


Waxaa ay caruurtaada heli doonaan jawi aad u wanaagsan oo ay ciyaarta kaga dhargaan, kagana nastaan buuqii isqab qabsigii iyo dacwadii joogtada aheyd ee xaafda.

Sidoo kale waalidiinta dhalin yarada ah ee ku kala maqshuulay maareeynta caruurta maalmaha fasaxa ah, waxaad Xeebta Jazeera ka heli doontaan waqti idinku filan oo aad ku xustaan dibna boorka uga jaftaan jaceylkiina.


Hadaba ka faa'ideysta nimcooyinka uu eebe idinku maneystay oo ay midan uGu yar tahay.

W/Q Maxamed Aadan Isxaaq.

Xuquuqda sawiradan waxaa leh  © Ocean Care Movement Center Somalia

Ciidamadii Badda Soomaaliya oo dib u howl bilaabi doona inshaa allaah

Ku dhawaad 27 sano waxaa beylah iska ahaa guud ahaan dalka Soomaaliya, meelaha ugu sii daran waxaa ka mid ahaa ama ugu horeeya xeebta dheer uu allaah ku maneeystay umada Soomaaliyeed.


Kaluumeeysi sharci daro ah oo aan loo aabayo yeeleeyn iyo kawa sii daranee waxaa lagu soo daabuli jiray haraaga warshada kiimikooyinka Wadamo badan oo caalamka.


Illaah mahadiis Dawlada Soomaaliya waxaa ay ku dhawaaqday in howl gali doonaa ciidamadii bada Soomaaliya iyagoo ku qalabeeysan qalab casri ah.





Sida uu sheegay xeer ilaaliyaha guud ee Soomaaliya waxaa ay ka howl gali doonaan ciidamadaas dhowr magaalo oo kala ah.


Boosaaso Hobyo Cadale Muqdisho Marka Baraawe iyo Kismaayo.


Waxaan rajeyneynaa in ay wax weyn iska badali doonaan xaaladaha amaan ee xeebaha wadanka marka ay ciidan kan howl galka bilaabaan.


W/Q Maxamed Aadan Isxaaq

Innaalilaahi wa innaa ileeyhi raajicuun.

Waxaa galab meel u dhaxeeysa Jaziira iyo Abaay Dhaxan  laga helay meydka allaha u naxariistee naaquude AWEYS CISMAAN NUUR (Yaraani) kaa soo dabayaaqadii isbuucii hore ay doon uu naaquude ka ahaa kula qalib matay meel ka yara baxsan Xeebta Jaziira kuna aadan dhanka Baqal.


Waxaan Allaah uga baryeenee AWEYS CISMAAN NUUR (Yaraani) naxariistii jano in uu ka warabiyo Samir iyo iimaan ka siiyo eheladii iyo asxaabtii uu ka baxay.


W/Q Maxamed Aadan Isxaaq

Kaalintaadu waa muhiim...

Waxaa wali socda baadi goobkii loogu jiray soo helida raq iyo ruux naaquude AWEYS CISMAAN NUUR (Yaraani) kaa soo ay doontii uu naaquudaha ka ahaa ku qalibmatay inta u dhaxeeysa Jaziiro iyo Baqal, maalin ka hor.


Mudada maqnaashihiisa oo sii dheraatay darted waxaa sii yaraanaya rajada laga qabo in nolol lagu soo heli waloow ay tii rabi halkeeda tahay.




Waxaa si naxariis leh looga codsanayaa dhamaan shacabka Soomaaliyeed iyo cid kastoo gacan ka geysan karta soo helida Mr Yaraani in ay ku tabarucaan hoo iyo hiil waxa ay awoodaan.




Fadlan nala soo xiriir haad heyso xog ku saabsan Mr Yaraani. (0615233384)


W/Q Maxamed Aadan Isxaaq

Deg Deg. Doon ku qalibantay Xeebta Jazeera...

Sida aan wararka ku heleeyno doon nooca kaluumeeysiga ah ayaa ku rogmatay meel xoogaa ka baxsan xeebta Jazeera ee duleedka magaalada Muqdisho.

Doontaas oo ay la socdeen sedex nin oo kaluumeeysato ah ayaa waxaa la helay labo iyo doontii
halka la la' yahay mid kii sedexaad oo naloogu sheegay in uu ahaa naaquudihii waday doonta qalibantay.

Sida uu noo xaqiijiyay xog ogaal Salaad Jimcaale, waxaa wali socda baadi goob xoogan oo loogu jiro helid raq iyo ruux naaquudahaas la layahay.




Waxaan allaah ka rajeyneynaa in la soo helo isagoo caafimaad qaba inshaa allaah.




W/Q: Maxamed Aadan Isxaaq

Magaalada Caluula oo ay badda ku soo rogmatay

Magaalada Caluula ee gobolka Bari waxaa ku soo rogmaday baddii oo halkaas kuqaaday guryo badan oo bada ku dhawaa iyo laashashka  lagu kaluumeeysto.

Qoysas farabadan oo daganaaa ku dhawaad 20 guri oo ay bada la tagtay
ayaa jooga duleedka magaalada Caluula.

Waxaa sii kordhaya walaaca laga qabo biyo badda oo marba marka ka
dabeysa sii badanaya.

Waxaan codsi balaaran u direynaa maamul goboleedka Putland in uu
sida uga macquulsan arintaas xal ugu raadiyo.

halkan ka dhageyso qaar ka mid ah dadka ku nool magaalada Caluula http://www.baargaal.net/2017/07/dhagayso-sawiro-magaalada-caluula-ee.html

 

 

Kalluumeeysato u dhalatay dalka Pakistan ayaa laga soo qabtay Jaziirada Kudhaa iyagoo si sharci daro ah uga kalluumeeysanaaya halkaas

Ciidamada dowlad goboleedka Soomaaliyeed ee Jubballand ayaa sheegay iney xeebaha Jasiirada Kudhaa ee gobolka Jubada hoose ku qabteen doon si sharci daro ah uga kalluumeysaneysay halkaas.

Saraakiisha Ciidamada Juballand ayaa sheegay in doontan ay la socdeen ku dhowaad toban nin oo sideed ka mid ah ay yihiin dad ajnabi ah oo dhalasho ahaan ka soo jeeda dalka Bakistan.

Waxay intaa ku dareen in dadkan ajaaniibta ah ay baaritaan ku sameyn doonaan, waxaana galabta lagu soo bandhigay magaalada Kismaayo ee gobolka Jubada hoose.

Gudoomiyaha degmada Badhaadhe Max’uud Fanax oo warbaahinta la hadlay ayaa sheegay in raggan ay mudo afar bilood ah si sharci darro ah uga kalluumeysanayeen xeebaha gobolka J/hoose, maanta ay soo qabteen kadib markii ay doon la soo caarisay.

Waxa uu xusay in ay sidoo kale gacanta ku dhigeen kalluun gaaraya 300 oo tan oo ay ka jallaabteen xeebaha gobolka Jubadda hoose.

Doonyo fara badan oo ay leeyihiin kalluumeysato ajaaniib ah ayaa si sharci daro ah uga kalluumeysta xeebaha Soomaaliya, kuwaasoo gurta kalluun Malaayiin dollar lagu qiimeeyey, iyagoo kaluumeysiga u adeegsada shabaag dunida laga mamnuucay.

Talaabadaan lagu soo qabtay ragaan sida sharci darada ah uga kaluumeeysanaayay xeebaha Soomaaliya ayaa ah mid horseedeysa in lagu baraarugo boobka ka socda bada Soomaaliya.

W/D Maxamed Aadan Isxaaq

10 Things You Can Do to Save the Ocean

1. Mind Your Carbon Footprint and Reduce Energy Consumption
Reduce the effects of climate change on the ocean by leaving the car at home when you can and being conscious of your energy use at home and work. A few things you can do to get started today: Switch to compact fluorescent light bulbs, take the stairs, and bundle up or use a fan to avoid oversetting your thermostat.

2. Make Safe, Sustainable Seafood Choices
Global fish populations are rapidly being depleted due to demand, loss of habitat, and unsustainable fishing practices. When shopping or dining out, help reduce the demand for overexploited species by choosing seafood that is both healthful and sustainable.

3. Use Fewer Plastic Products
Plastics that end up as ocean debris contribute to habitat destruction and entangle and kill tens of thousands of marine animals each year. To limit your impact, carry a reusable water bottle, store food in nondisposable containers, bring your own cloth tote or other reusable bag when shopping, and recycle whenever possible.

4. Help Take Care of the Beach
Whether you enjoy diving, surfing, or relaxing on the beach, always clean up after yourself. Explore and appreciate the ocean without interfering with wildlife or removing rocks and coral. Go even further by encouraging others to respect the marine environment or by participating in local beach cleanups.

5. Don't Purchase Items That Exploit Marine Life
Certain products contribute to the harming of fragile coral reefs and marine populations. Avoid purchasing items such as coral jewelry, tortoiseshell hair accessories (made from hawksbill turtles), and shark products.

6. Be an Ocean-Friendly Pet Owner
Read pet food labels and consider seafood sustainability when choosing a diet for your pet. Never flush cat litter, which can contain pathogens harmful to marine life. Avoid stocking your aquarium with wild-caught saltwater fish, and never release any aquarium fish into the ocean or other bodies of water, a practice that can introduce non-native species harmful to the existing ecosystem.

7. Support Organizations Working to Protect the Ocean
Many institutes and organizations are fighting to protect ocean habitats and marine wildlife. Find a national organization and consider giving financial support or volunteering for hands-on work or advocacy. If you live near the coast, join up with a local branch or group and get involved in projects close to home.

8. Influence Change in Your Community
Research the ocean policies of public officials before you vote or contact your local representatives to let them know you support marine conservation projects. Consider patronizing restaurants and grocery stores that offer only sustainable seafood, and speak up about your concerns if you spot a threatened species on the menu or at the seafood counter.

9. Travel the Ocean Responsibly
Practice responsible boating, kayaking, and other recreational activities on the water. Never throw anything overboard, and be aware of marine life in the waters around you. If you’re set on taking a cruise for your next vacation, do some research to find the most eco-friendly option.

10. Educate Yourself About Oceans and Marine Life
All life on Earth is connected to the ocean and its inhabitants. The more you learn about the issues facing this vital system, the more you’ll want to help ensure its health—then share that knowledge to educate and inspire others

(C) By:  NATIONAL GEOGRAPHIC

Waa mid ka mid ah qalaaiqda badeena ku nool.

Waa noole ka mid ah noolaha faraha badan ee ku nool badeena weyn ee uu allaah nagu maneeystay, magaciisa waxaa la yiraahdaa af Soomaali Maguunge English na (Eel).

Xayawaankaan ka ma mid ahan waxa ay kaluumeeysatada Soomaalida ahi soo kaluumeeystaan, laakiin aduunyada kale aad baa loo ugaarsadaa oo waxaa uu ka mid yahay kheyraadka bada kuwooda uGu caan san ee aad ka loo isticmaalo loogana ganacsado.

Maki-Sushi-Roll-made-of-Tuna-Salmon-Eel-Cream-Cheese-Fruits-and-Vegetables

Sawirkaan kore waa Maki-Sushi-Rolls laga sameeyay Taraaqad/Tuna kaluunka Salmon ka loo yaqaan Maguunge ama Eel iyo wax yaaba kale.

Qiima ahaan Maguungeha aad buu u sareeyaa lacaga lagu kala iibsado  suuq yada lagu iibiyo kheyraadka bada ee caalamka in kastoo uusan gaarin Kuuleey maanyada ama (Sea-urchin) ta.

Waxaa laga sameyn karaa dhaqaale fiican hadii la helo shirkado xiriir fiican la leh suuqyada waa weyn ee lagu iibiyo kheyraadka bada ee ku teetsan caalamka, waxaana ay shaqo abuur u sameyn karaan kumanaan Soomaali ah oo ay shaqo la'aan ku heysato gudaha iyo dibada dalka.

W/Q Maxamed Aadan Isxaaq

Maxaad ka taqaan Suulal-goys/Carsaanyo/Xarshaasho (Crab)?

Waxaa laga yaabaa dad badan in sawirkaan uu soo xusuusiyo waqti dheer ka hor xiligii caruurnimada xiligaas oo caruur badan oo ku nool xeebaha dhagta kala socdeen Suulal-goys/Carsaanyo/Xarshaasho una yaqaaneen bahal wax qaniina kaliya.

Waxaan jeclaan lahaa in aan idinla wadaago muuqaal ka duwan midka inta badan ay dadka Soomaalida ah ka aamin santahay Suulal-goys/Carsaanyo/Xarshaashada.

Waa hubaal in Soomaali badan oo dibada ku nool ay wax badan ka barteen cuntooyinka laga helo bada (Sea-food), laakiin ma jirto wali cid inta ay la soo laabatay fikir wanaagsan dalkii ka hirgalisay maashaariic wax soo saarka bada ah oo wax ka badala wacyiga dadka Soomaaliyeed ee ku aadan bada.

Suulalgoysta/Carsaanyada ama Xarshaashada waxaa ay ka mid tahay cuntooyinka bada ee aadka looga isticmaalo maqaayadaha waa weyn ee caalamka sida Indian cuisine, Mexican cuisine, Thai cuisine, Mediterranean cuisine iyo kuwa kaloo aan halkaan kusoo koobi Karin, qiimaha ay ka joogto suuqyada lagu iibiyo kheyraadka badana aad buu u sareeyaa.

Waxaa dhici karta in qaar idinka mid ah ay is dhahaan maxaa balaayadaan nalagala soo doonay ma waxaasaa cunto ah ama la cuni karaa, hadaba ujeedkeygu sidaas ma ahana.

Yaanba la cunin hadii la rabo ee maxaaa looga ganacsan waayay oo dhaqaale looga sameyn waayay oo dadka cuno ama yaqaan loogu iib geyn waayay.

Sidaad ogtihiin heerka dadka aan shaqeeyn aad ayuu u sareeyaa dalkeena cid ka faa'ideysaneysaa fursadahaasna ma jirto ma waxaan dhihi karnaa waa jaahilnimo na heysata mise waa doqonimo.

Hadaba ogoow kheyraadka uu eebe nagu maneystay in ay aad u badan yihiin oo aan hal qurmo iyo qurmooyin lagu soo koobi karin.

W/Q Maxamed Aadan Isxaaq

Hala Yaabin Waa Xaqiiq Jirta !!!

Sawirkaan aad arkeysaan waa nooc ka mid ah qalaa'iqda bada ku nool magaceeda waa (Sea Urchin).

Gobolada koofurta Soomaaliya waxaa looga yaqaan Kuuleey Badeed/Maanyo.

Dadka Soomaalida ah ma isticmaalaan oo wax qiima ah agtooda ka ma laha, laakiin dunida kale aad baa loo isticmaalaa waxaa ay ku jirtaa xitaa wax yaabo badan oo aan isticmaalno sida Mayonese rootiga iyo burgerka aan ku isticmaalo. sidoo kale waxaa ay ku jirtaa cuntooyin badan.

Waxaa laga suurto gal ah in aad la yaabto qiimaha ay caalamka ka joogto,
iyo sida ay dadka Soomaalida ah agtooda waxba uga aheyn.

Sawirka hoose waa cuntada loo yaqaan Sushi ama Sashimi oo ay dadyoowga koofur bari Asia caanka ku yihiin waxaa laga cunaa maqaayado badan oo waaweyn oo dunida dacaladeed ku kala yaal waana cunto aad loo jecel yahay dhadhankeeda iyo wax yaabaha ay ka kooban tahay oo badi ka yimid kheyraadka bada, waxa uGu sareeya ee midabka oranjiga ah leh waa Sea urchin ama Kuuleey Badeed/Maanyo.

Waan qeyb ka mid ah aqoon yarida naga heysta badda iyo sida aanan uGu baraarugsaneyn wax soosaarkeeda iyo ka maacaashideeda.

Halkii kiilo ama 1 kg waxaa ay suuq yada caalamka ee lagu iibiyo kheyraadka bada ka joogtaa $450,

Run ahaantii ma ahan qiimo yar lacagtaas, waxaa laga yaabaa in ay loor/kiish/juwaan galeey ah ay ka qaalisan tahay kana howl yar tahay soo saarideeda.

Si kastaba waxaan ku baraajinaayaa dadyoowga Soomaaliyeed in ay u soo jeestaan ka faa'ideysiga badooda baaxada weyn ee uu allaah ku maneeystay.

Waxaa la yaab leh inagoo heesana xeebta uGu dheer qaarada afrika hadana in nalooga waayo aragsanaado wax soosaarka iyo ka macaashida kheyraadka bada, dadkeenana ay macluul iyo gaajo u le'daan.

Markastana aan u taaganahay abaabulida iyo hurinta colaado sokeeyo oo aan aduun iyo aakhiraba faa'ido inoo laheyn.

W/Q Maxamed Aadan Isxaaq

DIGNIN CULUS OO KU SAABSAN SOCDAALKA KALUUMEEYSIGA IYO SAFARADA GANACSIGA BADDA!

Xarunta Dhaq-dhaqaaqa Daryeelka Xeebaha Soomaaliya (Ocean Care Movement Center), waxaa ay ka digeysaa Socdaalka, Kaluumeeysiga iyo Safarada Ganacsiga badda, Sababtoo ah waxaa fooda inagu soo haya xiligii bad xiranka.

Dabeylo iyo mowjado xoogan oo bada ka jira darteed bada ma isticmaalin karaan maraakiibta ama doonyaha culeyskoodu ka yar yahay 1200  - 1500 mt (Metric ton).

Sidoo kale agaasimaha guud ee wasaarada Dekadaha iyo Gaadiidka Bada ayaa ka codsaday ganacsatay in ay ku soo rartaan badeecooyinkooda maraakiibta waaweyn si aysan hantidooda uga baabi'in.

Sanad walba marka la soo gaaro bilaha juun ilaa sibtember waxaa bada ka dhaca dabeeylo iyo mowjada waaweyn ku waasoo Qatar ku ah isku isticmaalka bada qaasatan aaladaha yar yar.

W/Q Maxamed Aadan Isxaaq

Mahdi Maxamed Guleed oo Muqdisho kula Kulmay Guddiga Arrimaha Badda

Ra’iisul Wasaare ku xigeenka Xukuumadda Federaalka ah ee Soomaaliya Mudane Mahdi Maxamed Guleed ayaa la kulmay Guddiga Arrimaha Badaha, waxana warbixino ku saabsan xaaladda aminiga, kheyraadka iyo maamulka Badda laga dhageystay Wasaaradaha Kaluumeysiga & Kheyraadka Badda iyo Wasaaradda Dekedaha & Gaadiidka Badda.

 Mudane Mahdi Maxamed Guleed ayaa ugu horeyn ka hadlay fulinta go’aamadii ka soo baxay shirkii London ee la xiriiray arrimaha badaha, gaar ahaa kuwa mudnaanta u leh dawladda Soomaaaliya, isagoo xusay muhiimadda ay leedahay in laga faa’iideysto Kheyraadka ku jira, sidoo kalena loo dadajin lahaa dhismaha ciidanka Ilaalinta Xeebaha (Coast Guard).

Wasiirka Kalluumeysiga Mudane C/raxmaan Cabdi Xaashi ayaa ka hadlay arrimaha kaluumeysiga sharci darrada ah, waxana uu soo hadal qaaday shir looga hadlayay arrimahaas oo ka dhici lahaa Jaziirada Seychelles oo baaqday, isagoo tilmaamay in arrimihii uu shirkaas u baaqday ay kala xaajoonayaan cida ay quseyso isla markaana uu dhawaan qabsoomi doono shirku.

Wasiirka Dekadaha iyo Gaadiidka Badda, Marwo Maryan Aweys ayaa soo bandhigtay sidii loo dhameystiri lahaa turjumidda iyo meel marinta sharciga Badda oo muhiimad weyn u leh dhaqan galkiisa dalkeena, waxana ay Wasiirku codsatay in la dadajiyo loona fududeeyo Wasaaradda wax walba oo gacan ku siin kara sidii uu sharcigani u noqon lahaa mid dhameystiran.

Kulanka ayaa waxaa ka qeyb galay, Wasiirada, Maaliyadda, Difaaca, Arrimaha Dibedda iyo Xeer ilaaliyaha guud ee Qaranka oo dhamaantood ka tirsan Guddiga Arrimaha Badda.

Xigasho Allbanaadir.com

W/D Ocean Care Team

Wali ma aragtay Cambar (Amber)?

Maanta waxaan idinla wadaagi doona muuqaalka Cambarta iyo qiimaha ay Lee daahay.

Cambarta waa shey aad qaali u ah halkii gram waxaa uu u dhexaayaa $19 - $25 run ahaantii waa qiimo aan caadi aheyn.

Sawirkaad arkeysaan waa nooc ka mid ah noocyada Farah badan oo ay Cambartu ka kooban tahay, waxaa kugu filan 1000 grams ama 1kg oo aad faqriga ku tuuri kartaa waa hadaad nasiib u yeelato in aad hesho.

Bada waxaa ay ka mid tahay meelaha ugu horeeyo ee dhaqaalaha laga sameeyo caalamka sida beeraha, xoolaha iyo ganacsiga.

Sidaa darteed waxaa waajib nagu ah in aan ka ilaashano cid kastoo boob iyo baabi'in ku heyso.

W/Q Maxamed Aadan Isxaaq

Maxaabiis Soomaali ah ayaa ku xiran Wadanka Seychelles.

Waxaa laga deyrinayaa xaalada ay ku sugan yihiin maxaabiis Soomaali ah oo ku adeysan burcad-badeednimo kuwaasoo mudo dheer ku xiran Jaziirada Seychelles.

Maxaabiistaas oo mudo dheer ku xiran halkaas ayaa gacabanaya daruufo adag oo halkaas ku heysta.

Sikastaba ah ahaatee wali ma jirto cid isu xil qaantay wax ka qabashada iyo furdaaminta maxaabiistaas Soomaalida ah.
Hadaba Xarunta Dhaqdhaqaaqa Daryeelka Xeebaha Soomaliya (Ocean Care Movement Center), waxaa ay si naxariis leh uga codsaneysaa madaxda Soomaalida in ay ku baraaruga dayaca iyo dandarada kumaanka Soomaalida ah ku heysta dunida dacaladeeda, kuwaasoo ay ugu horeeyaan kuwo xabsiyada ku jira.

Hoos waxaa ku qoran magacyada maxaabiista Jaziirada Seychelles ku xiran.

1	Cabdulqaadi Cali Axmed	Muqdisho
2	Cabdilaahi Siciid	Cadaado
3	Salaad Maxamed Diiriye	Wisil
4	Cabdilaahi Xuseen	Garoowe
5	Cali Maxamed Cali	Gaalkacyo
6	Maxamed Aways Siciid	Muqdisho
7	Daauud Cali Salaad	Muqdisho
8	Cabdilaahi Siciid Cigaal (Raanbow)	Muqdisho
9	Cumar Xaaji Cumar	Marka
10	Axmed Maxamed Ismaaciil	Kunturwarey
11	Cabdilaahi Xasan Xayle	Muqdisho
12	Cabdilaahi Maxamed Xuseen	Ceel-Dheer
13	Maxamed Axmed Daahir	Guri-ceel
14	Cabdiqaadir Xaashi Cawaale	Muqdisho
15	Bashiir Xasan Cali	Gaalkacyo
16	Cabdiqaadir Xasan Macalin	Sablaale
17	Axmed Cabdi Maalin	Dhuusa-mareeb
18	Cabdicasiis Cabdi Cali	Xarardheere
19	Axmed Abshir Weheliye	Muqdisho
20	Burhaan Maxamed Maxamuud	Muqdisho
21	Asad Axmed Cali	Muqdisho
22	Axmed Ibrahim Cabdi (Qoorgaab)	Muqdisho
23	Xasan Ibraahim Cismaan	Baraawe
24	Mowliid Axmed Abtidoon	Sablaale
25	Cabdishakuur Tahliil Xasan	Cadaado
26	Maxamed Cabdi Faarax	Jariiban
27	Saleebaan Cali Nuur	Kismaayo
28	Nuur Xasan Aadan (Buurgaab)	Garacad
29	Daahir Cabdilaahi Warsame	Gaalkacyo
30	Carays Maxamed Aadan Cismaan	Boosaaso
31	Cali Maxamed Aadan Muxumed	Baraawe
32	Axmed Khaliif Warsame	Muqdisho
33	Cabdi Cumar Maxamed	Kismaayo
34	Maxamed CAbdiqani Nuur	Marka
35	Shadoor Cali Faarax	Bacaadweyn
36	Maxamed Cabdi Cali	Baladweyn
37	Iina Mire Muuse	Garoowe
38	Siciid Cabdiqani Sh. Aadan	Warshubo
39	Cabdi Xasan Cali	Cabudwaaq
40	Axmed Cismaan Maxamed	Muqdisho

W/Q Maxamed Aadan Isxaaq

FAA'IDOOYINKA KALUUNKA XILGA LAGU GUDA JIRO RAMADAANKA.. Ka aqri halkan..

            RAMADAAN KARIIM DHAMAAN, MEEL KASTOO AAD JOOGTAAN.
Qormadaan maanta waxaan kaga hadli doonaa faa'idada kaluunka u leeyahay bini'aadamka guud ahaan gaar ahaan qofka sooman.

Kaluunka waxaa laga helaa protein fara badan waxaa uGu caansan Omega 3.
Omega 3 wa saliid laga helo kaluunka, saliidaasoo ka hortagta cuduro farabadan sida:-

1. Cudurada ku dhaca Wadnaha (heart disease)
2. Dhiig karka (blood pressure)
3. Dhiig xeyroowga ama (cholesterol)
4. Xanuunka lab laabatooyinka ku dhaca sida jilbaha, moxoga ama qeybta hoose ee dhabarka.
5. Waxaa  ka hortagaa qatarta ka imaan karta cudurka sonkorta (Type 1 Diabetes)

Sidoo kale waxaa ay u fiican koritaanka/bixitaanka tinta iyadoo xoojisa dhumucda tinta korna u qaada bilicda iyo quruxdii dabiiciga aheyd ee tinta.
Waxaa ay baabisaa qaleeylka maqaarka (skin dryness ) waxaa ayna ka bi'isaa maqaarka in uu duub-duubmo.

Waxaa lagama maarmaan ah in aad ku darsatid qorshahaaga cunte inta lagu guda jiro Ramadaanka waayo waxaa uu kugu caawinaayaa in uu jirkaada helo tamar xoogleh kana hortago diciifnimada ay baahidu sababto, si aad toos uGu wadato shaqo maalmeedkaada adigoon dareemin daal iyo caajis.

CUN CUNTO CAAFIMAAD LEH INTA LAGU GUDA JIRO SOONKA SIDA:-

1. SAREEN AMA QAMDI
2. KALUUN, DIGAAG AMA HILIBKA XOOLAHA
3. QUDAARTA CAGAARAN IYO TIMIR
4. CAANO IYO BIYO BADAN

W/Q Maxamed Aadan Isxaaq

Markab Kaluumeeysi oo laga leeyahay dallka Koofur Kooriya ayaa lagu qabtay xeebaha Soomaaliya!

Wasaarada arirmaha dibada wadanka Koofur Kuuriya ayaa xaqiijisay in markab kaluumeeysi oo ay leeyihiin ganacsato Koofur Kuuriyaan ah kana diiwaan gishanaa dalka Mangooliya lagu la'yahay xeebaha Soomaaliya.

Markabkaas oo ay la socdaan in ka badan labaatan shaqaale oo ka kala yimid wadamada Koofur Kuuriya iyo Indoniisiya.

Markabka ayaa fariin deg deg ah u gudbiyay ciidamada Koofur Kuuriya ee qeybta ka ah, ciidamada ladagaalanka waxa loogu yeero burcad-baddeeda Soomaalida inta uusan raadaarka ka bixin waxaa uuna sheegay in ay eryanayaa laba doon oo uu u maleeyay in ay burcad-badeed yihiin.

Waxaa socda baadi goobka markaas waloow aan ilaa iyo hada si cad loo ogeyn cida qabsatay iyo halka lala aaday.

Sidoo kale waxaan la ogeyn waxa ay yihiin shixnad la sheegay in markabkaas uu waday

Hadaba waxaa is weydiin mudan waxa markab kaluumeeysi oo aan Soomaaliya ogolaasho ka heysan uu ka soo doonay xeebaha Soomaaliya?

Waxaa ay meesha ka saareeysaa mad madoowgii dadyawga Soomaaliyeed kaga jiray in badooda looga soo duulay wadamo badan oo caalamka ah Asia haba ugu badnaadaanee !!!!

W/Q Maxamed Aadan Isxaaq

Juballand oo eedeyn u jeedisay Wasaarada Kaluumeeysiga iyo Kheyraadka Bada. Halkan ka aqriso

Golaha wasiirada dowlad goboleedka Juballand oo shalay kulan ku yeeshay Kismaayo uuna shir gudoominayay Madaxweeynaha Jubaland Axmed Max'ed Islaam ayaa eedeeyay Wasaaradda kaluumeysiga dowladda Soomaaliya inay ku xadgudubtay heshiis wadajir ah oo ay wada sixiixeen wasaaradda kalluumeysiga dowladda Soomaaliya iyo dowlad goboleedyada xubnaha ka ah dowladda dhexe.

Kulanka markii uu soo idlaaday waxaa nuxurka qodobadii kasoo baxay shirka warbaahinta u aqriyay Wasiirka Maaliyadda Jubaland C/rashiid Jire Qalinle, isagoo sheegay in kulanka diiradda lagu saaray heshiis kumeelgaar ah oo ka dhacay Sycheles oo ku saabsanaa ogolaanshaha soo saaridda shatiga kalluumeysiga qaasatan Tunnaha, kaa oo uu wasiirku sheegay in ay wada sixiixeen dhammaan dowlad goboleedyada.

Xigasho:-Shabakada www.allbanaadir.net

W/D Maxamed Aadan Isxaaq

Bashiir Xasan waa qabiir waayo badan u soo joogay isbadalada xeebaha Soomaaliya

Bashiir Xasan waa qabiir waayo badan u soo joogay isbadalada xeebaha Soomaliya, wax badana kala socda heerka uu marayo wax soosaarka badda waqtigan aan joogno.

Bashir Xasan waxa uu ku nool yahay tuulo xeebeedka Ceel Macaan ee Gobolka Sha/Dhexe.

Waxaan ka wax iska weydiinay waxa ka jira in uu isbadal weyn ku dhacay kheyraadkii bada iyo in kale.

Bashiir: Bismilaah waa wax jira oo aan caad saarneyn qof kastoo bada wax ka yaqaana waa uu ogyahay, wax weyn ayaa iska badalay run ahaantii.

Su'aal: Bashiir ahaan maxaad si qaas ah kuu saameeyay?

Bashiir: Aniga horta waxan ku dhashay Degmada Wadajir ee Gobolka Banaadir, qaasatan laanta Xalane, waxaan xusuustaa ciyaalnimadeydii in aan bada soo aado anigoo shabaag iyo jalaab toona wadan ayaan kaluunka gacanta kula soo bixi jirnay oo anigoo bac buuxda sita ayaan xaafada kula soo laaban jiray, bal hada orodoo shabaag, jalaab iyo birba ku keen gacan warkeed daayee.

Su'aal: Maxaa sababay isbadalkaas weyn ee bada ku yimid ma mid dabiici ahaa oo sida abaartoo kale ah mise waa mid ay bini'aadamka sababeen?

Bashiir: Taasi caad ma saarna waa wax ay bini'aadamka sababeen waliba kuwa aan Soomaali aheyn, Badaan waxaa looga soo duulay meel kasta aduunyadii oo dhan ayaa iskugu timid, haba sii kala darnaadaanee,...

Su'aal: aan kaa dhex galo ma waxaa jirta xog aad ka heysaan dadka aad tiri waa ay soo duuleen oo aduunkeey ka kala yimaadeen sid ay u kala badan yihiin?

Bashiir: haa haa wax qarsoon ma ahan aroortii markaad soo toosto xees kaas ayeey joogaan, mida kale kaluumeeysatada dhan waa og tahay habeenkii bada raxan raxan in ay u socdaan maraakiibta shisheeye ee sida sharci darada ah uga kaluumeeysaneysa bada, xoogaa nasri yar ayaa la helay markii ay kaluumeeysatadii ku ceertoowday bililiqadaas iyo dad kale isku abaabuleen oo ay dhawr marka qabsadeen..

Su'aal: Ma waxaad ka wadaa burcd-badeeda maraakiibta qabsata?

Bashiir: Burcad-badeed waxaan u aqaan cida inta ay bada islaameed timid nool iyo moodba boobtay sun iyo qashin kiimikeeysan ku daadisay dadkiideena biyo kulul iyo xabad isugu dartay.

Su'aal: Waan gartay wadamadee u badan kuwa aad Burcad-Badeeda saxda ah ku tilmaantay?

Bashiir: Waa badan yihiin sidaan horey kuugu soo sheegay, waxaa ka mid ah Philippine, Thailand, Yemen, India, Iran, China, iyo kuwa kaloo aanan halkaan ku soo koobi karin.

Su'aal: Waxaan jeclaan lahaa in aan ku weydiiyo su'aashii ugu dambeysay, ma isleedahay waxaa jiri kara wado ka wanaagsan in hub la aruursado oo maraakiib aan lakala soocin la soo qafaasho lacag madax furasho ahna la weydiisto mudo dheerna la iska heysto oo ay naf iyo maalba qasaaro soo gaarto waliba dad aan waxba galabsan ay ka mid yihiin?

Bashiir: -

Waan dareen sanahay in hawshi is difaaca aheyd ay dad kale si qaldan uga faa'ideysteen oo ay meeshii noqotay meel loo soo wada shaqo doontay oo dad badan aan waxba galabsan lagu dhibaateeyay, laakiin ogoow cid kaloo ka damqatay oo wax ka qabashadeeda u istaagtay ma jirto waayo dawladana malaha ciidanka bada oo dhisan ragan sida sharcidarada ah wax u boobayana waa rag ka qalab casri ah sita oo subxdiina dheeraanaaya habeenkiina soo hoyanaaya, waadna maqleysay ciidamada shisheeye ee bada jooga ee isku sheegay la dagaalanka burcad-badeeda in ay lahaayeen mandate uma heysano in aan wax ka qabano kuwa sida sharcidarada ah bada u boobaaya kaliya burcad-badeeda Soomaalida ayaan la dagaalameeynaa, taasi miyeeynan garbaduub aheyn aaway caqligii shaqeynaayay aaway damiirkii bini'aadanimo waxa meesha ka socda adeer waa wax lagu soo tashaday oo gumeeysi salka ku haya iyo xadgudib.

Ocean care team: Aad baad ugu mahadsan tahay waqtigaaga qiimaha badan.
 

NIMCOOYINKA DALKEENNA IYO KA DAAHNAANTA DADKEENNA!

Waa xeeb quruxda Rabbi ku mannaystay ee istaahisha dalxiiska caalamiga ah, horena ay waayuhu uga soo marag-keceen, kasow khayraadka dihan ee Alle uu dhigay aanuu ahayn mid u baahan in gudaha loogu sii safro baddan, sida anigu aan markhaati ka noqday!

Waa xeebta Bilan ee bariga magaalada Muqdisho oo marka laga reebo maalmaha dabaayaqada toddobaadka aan buuq badnayn, sawaxan badanna lahayn.

 Anigoo jooga gurigayga ayay naftaydu muhatay inaan tago xeebtaas, oo aan daawado muuqaallada quruxda badan ee mawjadaha ka kacaya badweynta Inida, xilli lagu jiro xagaa, oo roobka shuuxa ah aanuu ka qaadin ama ka joogsan Muqdisho.

Intii aan joogay xeebta ee aan hadba dhinac u qooraansanayay, ayaa ay yimaaddeen meel aan iga fogayn saddex nin oo wata shabaagta badda lagaga kalluumaysto, taasoo aan ka aaminsanaa oo kaliya in doonni lagu qaado oo lagaga soo dhex tago badda, oo saacado kaddib lagu noqdo oo dabin

badeedkaas loogu tago kalluun ku dhacay.

Imika arrintu sidaas aad ayay uga duwantahay!

Laba ka mid ah raggii agtayda yimid ayaa badda galay, halka ninkii saddexaadna uu dibadda ugu sii hayay dharkii ay beddesheen ee ay markii hore xidhnaayeen.

Labada nin ee badda galay waxay kala istaageen laba dhinac iyagoo gacanta ku hayay shabaggii ay siteen, biyahana hore uma aanay gelin ka badan toban mitir qiyaastii, haddii aan si kale u dhigana halka ay carruurtu ku dabbaashaan, waxana aan xiisaynayay bal waxa ay samaynayaan inaan si deggen u daawado!

Muddo toban daqiiqo ah ayay labadii nin dib ula soo noqdeen shabaggii, kaasoo markii bannaanka la keeneyna laga soo saaray kalluun farabadan, oo muggiisu aan ku qiyaasay in ka badan soddon kiiloo garaam.
Mid ka mid ah kalluunkaas oo qiyaastii saddex kiiloo ahaa ayaa la iga siiyay laba doollar ($2).

 Way yartahay, dunidana naadir ayay ku tahay in laba nin ay muddo 15 daqiiqo ka yar iyaga oo aan badda gudaha u gelin ay helaan qiyaasta soddon kiiloo oo kalluun ah.
Khayraadka yaalla badda dalkeennu waa mid runtii inta badan dadkiisu ay ka qatanyihiin, waxase xusid mudan in dadka Soomaalida in badan oo ka mid ah ay ka shaqeeyaan baabi'inta khayraadkaas, halka ay ka indhosaabanyihiin ka faa'idaysigiisa.

Sawirro dheeraad ah ka daawo xagga hoose. 





 

 



 

Xigasho:

Adam Shardi Ahmedwww.adamshardi.blogspot.com
Skype ID: adam.shardi
Soundcloud: https://soundcloud.com/adam-shardi
Facebook: ashardi1