Sare u qaadista aqoonta dadka maamula kheyraadka Bada.

Magaalada Muqdisho waa magaalo madaxdii dalka waana xuduntii cilmiga iyo ganacsiga.

Sidoo kale waxaa ay leedahay xeeb dheer oo wax soo saar fiican leh, taasoo kaalin mug leh ka ciyaarta dhaqaalaha iyo horumarka ganacsiga dalka.

Qormadeena Maanta waxaan uga hadli doonaa faaido intee le'eg ayaa ugu jirta Magaalada Muqdisho, sare u qaadista iyo ta'yeenta aqoonta dadka maamula ishaas dhaqaale ee baaxada iyo wax soosaarka balaaran leh.

Intii ka dambeesay burburkii dowladii dhexe ee Soomaaliya, waxaa aad hoos ugu dhacay tayada iyo aqoonta lagu maamulo kheyraadka Bada, kaasoo kaalin mug leh kaga jira kobaca dhaqaalaha iyo horumarka ganacsiga dalka.

Waxaa doorkii dowlada isku dayay in ay buuxiso hayada Hay'ada cuntada iyo beeraha ee (FAO), taasoo intii ay awoodi kartay gacan ka geesatay sare u qaadista aqoonta dadka ku tiirsan Bada iyo Beeraha, laakiin wali fari kama qodna.

Arigtideyda waa lagama maarmaan in la soo saaro arday aqoon sare u leh maareeynta kheyraadka Bada, si aan uga faaideeysano nimcadaas balaaran ee uu eebe na siiyay. 

Soomaalidu waxeey tiraahdaa "Biyo Sacabadaadaa Looga Dhargaa"

W/Q: Mohamed Adam Ishak 

Fursadaas ka faa'ideeysta, waa sandkiiba mar!!!

Iyadoo muddooyinkii ugu dambeeyay qiimaha kalluunka uu aad u sareyay ayaa hada waxaa ku yimid hoos u dhac taas oo ay kalluumeysatda ku tilmaamen in ay bilaabaty xiliyada kalluunka.

 

Marka uu bilawdo xiliyada kulleelaha ayaa waxaa hoos u dhaca qiimaha kalluunka waxaana dibada loo soo saaraa kalluun faro badan.

Kawaanada kalluunka ee dagmooyinka Abdi Casiis, Xamer Weyne iyo Wadajir oo ah halka ugu baden ee lagu kala iibsado kalluunka ayaa hada waxaa ka jira hoos u dhac ku yimid qiimaha lagu kala iibsado kalluunka.

W/Q: Fahmo Mohamed Adam 

Climate Summit In Egypt

A highway to climate hell’

World leaders are gathering this week in Egypt for the 27th annual United Nations climate talks, known as COP27, to wrestle with the climate crisis, amid other pressing challenges that threaten to set back already inadequate steps to pivot the global economy away from fossil fuels.

Russia’s invasion of Ukraine, itself financed by the sale of Russian gas, has unsettled the global energy market and spurred inflation and calls for more oil and gas drilling. Poor countries suffering from climate effects are increasingly frustrated with wealthy countries whose emissions are driving global warming. And relations between the two biggest polluters, the U.S. and China, have fallen to a new low.

Rishi Sunak, Britain’s new prime minister, told delegates that the Russian invasion of Ukraine should prompt developed countries to invest more heavily in renewable energy. “Putin’s abhorrent war in Ukraine and rising energy prices across the world are not a reason to go slow on climate change,” he said. “They are a reason to act faster.”

Quotable: “We are on a highway to climate hell with our foot on the accelerator,” said António Guterres, the United Nations secretary general. He underscored that climate change was not a separate issue that could be deferred but one linked to the crises of war, unrest and hunger  ©️ New York times

Ugu dambeeyn waxaa si fiican u biloowday

Waxaa la dareemay isbadal aad uga wanaagsan sidii la ahaa bilihii la soo dhaafay.

Waxaana si fiican u biloowday helida Malaaygii lagu yaqiin xiliga Deerta sida,

Jeedarka/Taraaqada kaasoo ah Malaayga loogu jecel yahay aduunka.

Mar aan la hadlay mid ka mid ah Ganacsatada Malaayga ee Magaalada Muqdisho, isagoo aad u faraxsan waxaa uu ii sheegay in ay ku jiraan xili aaran ama barwaaqo ah.

Run ahaantii waxaa jiray isweydiin farabadan oo ku aadan waxa sababta u ah in uu soo daaho xiligan sida weyn loo sugo sanad kasta.

W/Q Mohamed Adam Ishak 

Isbadal noocee ah ayaa ku dhacay xiligan bada

Caadiyan xiliga Deerta waa xili ka mid xiliyada ay aadka u fiican tahay bada iyo wax soo saarkeedaba, hadeysanba aheyn xiliga ugu fiican.

Waxaa la helaa Kaluunka ama Malaayga noocyada ugu qaalisan looguna jecel yahay.

Waa xili kaluumeeysatadu ay si wanaagsan isha ugu hayaan kuna xisaabtamaan, laakiin sanadkan xoogaa dib u dhac ah ayaa jira walina si cad looma oga waxa sababay.

Mar aan la hadlay ganacsade jooga Kawaanka Malaayga ee Degmada Wadajir ayaa Ii sheegay in uu wali jirin malaaygii la heli jiray xiligaan oo kale, dabeeshana aysan wali hal dhinac isu raacin taasoo sii adkeeneeysa in la helo wax soosaar sax ah.

W/Q: Mohamed Adam Ishak 

Wali waxaa jira hoos u dhici kheyraadka bada

Siduu u biloowday xiliga xagaaga waxaa jiray hoos u dhac xoog leh oo ku yimid wax soo saarka kheyraadka bada.

Kiilada malaayga waxaa ay gartay $1.5 ilaa $2.00 laakiin waxeey wax kastaa isbadaleen markii lagalay xagaaga kiiladii malaayga ahna waxaa ay tagtay ku dhawaad $6.

Dadka daraasaadka ku sameeya xaaladaha bada ayaa sheegaaya in ay jirto saameenyn Ka timid isbadalka cimilada oo xaalku uusan kaliya aheyn xiliga xagaaga ee gabagabada ah.

Si kastaba waxaa lagu rajo weyn yahay in ay wax badan isbadali doonaan marka uu si fiican u biloowdo xiliga deerta kaasoo dad badan ay isbadal weyn filaayaan.

W/Q: Mohamed Adam Ishak 

Saameeynta xagaaga ee sanadkan ayaa ah mid aad u sareeysa

Ilaa iyo hada waxaa la xaqiijiyay sedex dhimasho ah iyo ilaa dhawr doon oo lal'a yahay.

Mideedka oo ka soo caariyay degmooyinka Cabdicasiis iyo Shingaani ayaa la sheegay in ay ahaayeen kaluumeeysato ay saameeyeen dabeelaha xooga badan ee ka dhacaaya bada xiligan xagaaga ah darteed.

Waxaa lagu jiraa xiligii bad xiranka kaasoo caadiyan ay yaraadaan isku socodka ganacsiga iyo kaluumeeysiga isbadalka jawiga dartiis.

Kaluumeeysatada isticmaasha doomaha yar yar ayaa intabadan joojiya howlahooda kaluumeeysiga maadaama ay bada aad u kacsan tahay ayna adag tahay in ay isticmaalaan doomahooda.

Laakiin waxaa jira qaarkaloo howlahooda iska sii wata maadaama ay nolol maalmeedkoodu ku tiirsan tahay bada cid kaloo caawineeysaana aysan jirin.

Waxaan Allaah uga baryeenaa inuu naxariistii jano ka waraabiyo intii ku geetiyootay bada samir iyo iimaan saadaq ahna naga ada siiyo. Aamiin yaa rabi

W/Q:  Mohamed Adam Ishak

Xaflad si heer sare ah loo soo agaasimay.

Wasaarada kalluumeeysiga iyo kheyraadka Badda ayaa soo bandhigtay deeq waxbarasho oo la gudoonsiiyay ku dhawaad ilaa 20 arday, kuwaasoo baran doona cilmiga kalluumeeysiga.

Xafladan oo si heer sare ah loo soo agaasimay waxaa ka soo qeyb galay Wasiirka Wasaarada kalluumeeysiga iyo kheyraadka Badda iyo xubno ka kala socday Hay'ada FAO, EU iyo Maamulka jaamcada City University ee magaalada Muqdisho.

Waa talaabo aad iyo aad muhiim u ah in sare loo qaado aqoonta iyo tayada dhalinyarada Soomaaliyeed ee hanka wanaagsan u leh kobcinta iyo ka miro dhalinta kheyraadka Badda.

Xarunta Dhaq-Dhaqaaqa Daryeelka Xeebaha Soomaaliya (Ocean Care Movement Center Somalia) Waxeey bogaadineeysaa dadaalka Wasaarada kalluumeeysiga iyo kheyraadka Badda ee ku aadan deeqdan waxbarasho taasoo naruuro u ah dhamaan umada Soomaaliyeed.

Sidoo kale Xarunta Dhaq-Dhaqaaqa Daryeelka Xeebaha Soomaaliya (Ocean Care Movement Center Somalia) Waxeey kula dardaarmeeysaa ardayda nasiibka u yeelatay in ay helaan fursadan qaaliga ah in ay ogaadaan in uu saaran yahay waajib qaran waayo waxaad wax ku baraneeysaan canshuurtii laga qaaday shacabka Soomaaliyeed sidaas darteed waa in aad dadaalkiina laba laabtaan si aad u anfacdaan Dalkiina iyo Dadkiinaba.

Waxaan Allaah idin kaga baryeeynaa in uu idin siiyo cimriga iyo caafimaad ka aad ku dhameeysataan waxbarashadiina Dalkiina iyo Dakiinana ugu adeegtaan.

W/Q Mohamed Adam Ishak 

Sidee looga hortagi karaa Sunta bada lagu soo shubo?

Waxaa aad u soo kordhaaya qeylo dhaanta ka imaaneeysa Kalluumeeysatada ee ku aadan haamaha ay ku jiraan haraadiga warshadaha kiimikooyinka ee wadamada shisheeye kuwaasoo geeysanaaya dhibaatooyin naf iyo maalba isugu jira.

Sida la xaqiijiyay waxaa ku dhintay dad ka badan sedex qof dhawr kalena waa ay ku dhaawacmeen markii Kalluumeeysato shaqo maalmeed kooda caadiga ah iska wata ay si lama filaan ah u dhex galeen goob ay ku dilaacday haan sun ah, taasoo galaafatay nafta saaxiibadood dhaac halis ahna soo gaarsiisay kuwo kale.

Waa tiro dhaaf inta jeer ee dhibaato ka timid haamaha ay ku jiraan haraadiga warshadaha kiimikooyinka sameeya ee badeena lagu soo daadiyo ay ku dhintaan ama ku dhaawacmaan muwaadiniin fara badan.

Run ahaantii waa nasiib daro in dawlada federal ka Somalia iska fiirsato tacadiga lagu hayo dadka iyo deegaankaba, taasoo hadii aan wax laga qaban keeni karta xaalado aan laga soo kaban karin.

Xarunta Dhaq-Dhaqaaqa Daryeelka Xeebaha Soomaaliya ( Ocean Care Movement Center) waxaay ay uga digeysaa dhamaan umada Soomaaliyeed gaar ahaan kuwa ku dhaqan xeebaha iyo Kalluumeeysatada in ay ka feeyjignaadaan haamahaas halista ah, meel kastoo lagu arkana fadlan la soo xiriira maamulada goobtaas aad joogtaan ka jira si loogu gudbiyo cid wax ka qaban karta.

W/Q Mohamed Adam Ishak

Kheyraadka Dalka iyo Dayaca Jira

Wadamo badan ayaa ka faa’iideeysta kheeyraadka badda, taas oo uu illaahay siiyey. Dalalka uu illaahay nimcadaas siiyey waxaa ka mid ah dalka Soomaalida. Hase ahaatee, Soomaalida kama faa’iideeystaan, mana doonayaan ineey manaafacaadsandaan, balse taa badakeeda waxeey ka jecelyihiin in dalalkaas ka faa’iideeystay kheeyraadkooda ay maalin kasta lacag weeydiistaan, iyagoo oranaya waxaanu nahay ummad habaar uu ku dhacay oo gaajo, biyo la’aan, xannuuno, abaaro iyo masiibooyink kalle ay ku dhaceen ee hanaloo gargaaro.

Hadaba sannadkii 2017kii waxaa wadamadan hoos ku xusan ka soo gallay daqli dhan:

Shiinaha                               $13.3 seddex iyo tobban biliyan iyo seddex boqol oo milyan oo doolar

Norweey                                         $ 11 bilyan

Hinidiya                                           $ 5.42 bilyan

Mareeykanka                                  $ 5.38 bilyan

Chile (Jili)                                          $ 5.2 bilyan

Vietnam (Fiitnaam)                         $ 5 bilyan

Kanada                                               $ 4.8 bilyan

Netherland (Hooland)                     $ 4.2 bilyan

Iswiidhen                                             $4 bilyan

Ruushka                                                $3.5 bilyan

Dhawaan ayeey aheed markii maamulada dalka iyo dawladda federaalka ay ka wada hadleen sida loo qeeybsanayo kheeyraadka badda, waxeeyna dhamaantood isku raaceen in shatiyada lacagta ka soo xaroota ee laga qaado maraakiibta shisheeye lagu shubo qasnad dhexe, dabadeedna la qeeybsado. Marna kama aysan fakirin sidii kalluunka dalka looga faa’iideeysan lahaa, iyadoo maalgashadayaal caalami ahna loo helli lahaa.

Inta badan, marka markabka shisheeye la siiyo ruqsadda kalluumeeysiga, ragga madaxda ka ah maamulada, waxaa u sahlan in lacagtaas ay ka qaateen maraakiibta shisheeya ay jeebkooda ku shubtaan. Tusaale, marka shirkadda shisheeye ee markabka iska leh ay bixiso lacag dhan hal milyan oo doolar, waxeey ka sameeneeysaa shirkaddaas markabka iska leh lacag ka badan konton milyan oo doolar. Miyeeysan qasaaro ku aheen ummada Soomaaliyeed?

Markabkan aad muuqaalka hoose ku aragtaan waa markab lagu sii daayey biyaha Soomaaliya, wuxuuna guranayaa wixii kalluun ah ee uu guran karro, meesha ninkii ruqsada bixiyeyna uusan waxba ka oggeen waxa meesha ka socda, waxa uuna niyadda ka leeyahay maxaa iga gallay mar haddaan xoggaageega ka qaatay.

Waa ay inoo suurto gali weysay in aan idiin soo gudbino muuqaalka marka qormada looga hadlaayo, maxaa yeelay waxaa laga saaray meeshii laga soo share gareeyay.

SOOMAALIYA MA AHAN DAL FAQRI AH, LAAKIIN WAXAA FAQRI KA DHIGAYA DADKA AAN DAL IYO DAD TOONA AAN U NAXEEN.

Xigasho: www.allsanaag.com 

W/D: Mohamed Adam Ishak 

Kalluumeeysato ku sumoowday Badda

Waxaa ku dhintay ugu yaraan hal qof ilaa sadax kalena waxaa ay la il daran yihiin sun la sheegay in ay ka soo gaartay goob ay ka kaluumeesanayeen.

Waa dhacdo aad u cabsi galisay dhamaan Kalluumeeysatada Soomaaliyeed gaar ahaan kuwa ka Kalluumeeysata Goballada bartamaha iyo koonfurta Soomaaliya.

Illaa hada si cad looma oga nooca ay tahay suntaas iyo cida ku soo shubtay badda Soomaaliya.

Laakiin waxaa la aamiinsan yahay in ay qeyb ka tahay mashruuca qashin ku daadinta iyo wasaqeynta mudo dheer ay xeebaha Soomaaliya ka wadeen marsakiib shisheeye taasoo galaafatay nafta muwaadiniin fara badan.

Sidaad la socotaan waxaa aad u soo kordhay dhawaanahaan haamaha ku soo caarinaaya xeebaha kuwaasoo ay ku jiraan haraadiga warshadaha kiimikooyinka.

Waxaa suurto gal ah in haan bada gunteeda hoose ku dilaacday ay sabab u tahay dhibkan soo gaaray kalluumeeysatadan.

W/Q: Mohamed Adam Ishak

Xumbo mise Baraf?

Waxaa aad loo hadal hayay wax dadka qaar ay ku sheegeen Baraf lagu arkay xeebaha dalka gaar ahaan Magaalada Muqdisho.

Hadaba waxaas sawirada sare ka muuqdaa ma Barafbaa mise waa Xumbo? Maxaana sababan?

Sidaan idiin soo sheegnay bilihii hore dabeeylo xoog leh ayaa ka dhacaayay xeebaha dalka, kuwaasoo saameeyn balaaran ku yeeshay bada iyo wax soo saarkeediiba.

Waxaad aragtaana waa Xumbo ka dhalatay dabeeylaha xeebaha ka dhacaayay iyo hirka bada.

Mida kale waa istaan muujineeysa fayo qabka deegaanka Bada iyo in ay tahay mid kheyraad balaaran dihan ama ay dhex ceegaagaan.  (productive ecosystem)

Xumbadaas malaha qatar ka badan indho xanuun kooban hadii ay indhaha kaaga soo bido.

Waxeey kaloo saameeyn kartaa dadka qaba xanuunka neefta ( Asthma)

W/Q Mohamed Adam Ishak

Dabeeylo xoog leh ayaa wali ka jira Bada

Waxaa wali halkoodii ka sii socda Dabeeylo xoog leh kuwaasoo aad u sameeyay wax soo saarkii kheyraadka Bada.

Dabeeylahan oo loo yaqaan (Istaaqfuruloow) ayaa ah kuwo sanad kasta xiligaan oo kale ka dhaca xeebaha dalka gaar ahaan Gobolada ku teetsan bad weynta hindiya.

Mar aan la hadalnay mid ka mid ah ganacsatada sida tooska ah uu ganacsigoodu ugu xiran yahay bada ayaa noo sheegay in ganacsigoodu uu aad hoos ugu dhacay dabeeylahan dartood.

Si kastaba ha ahaatee waxaa wali jira Kalluumeeysato aan ka quusan, naftooda iyo maalkoodana u huray sidii ay haba yaraatee wax ku soo heli lahaayeen.

Dabeeylahan waxaa ay sababan shilal ka dhaca bada sida in ay gadoomaan ama ay jihadii ka dhumaan doomaha yar yar ee aan ku habooneen xiligaan bada.

Waxaan u rajeyneenaa Kalluumeeysatada waqti wanaagsan Inshaa Allaah.

W/Q Mohamed Adam Ishak